Administratzailea

GURE TXAPELDUNAK

2018-04-10 por Administratzailea Utzi iruzkin bat

Apirilaren 7an, larunbatean, aniztasun funtzionala duten pertsonentzako Eskolarteko Torneoaren lehenengo edizioa jokatu zen. Bederatzi eskolek hartu zuten parte, guztira 7 talde osatuz. Eguraldi txarra zela eta Tajonarren ospatu behar zen torneoa Nafarroako Unibertsitateko polikiroldegian egin zen.

Lekaroz, Biurdana, Ribera del Arga, Altsasu, El Molino, San Francisco Javier, Santa Teresa, Santa Catalina eta Tierra Estella eskoletako neska mutilek lehenengo fasea jokatu zuten eta ondoren hiru final izan ziren.

Biurdanako ikasleek osatutako taldea bigarren lekuan sailkatu zen. Kopa ederra ekarri zuten!

ZORIONAK!

ATE IREKIAK

2018-03-06 por Administratzailea Utzi iruzkin bat

Gure ikastetxea ezagutu dezazuen, ATE IREKIEN egunera gonbidatzen zaituztegu.

EGUNA: Martxoaren 22an,osteguna,

ORDUA:

15:15ean: Datozen DBH 1. mailako ikasleak
17:00etan : Gurasoak eta beste ikasleak

TOKIA:

Aingeru Epaltza Aretoan

Ikasleen bisitaren egitaraua

Harrera.
Ikastetxeari bisita.

Gurasoen eta beste ikasleen egitaraua

Harrera.
Azalpena: ordutegia, irakasgaien banaketa, hautazkoak DBHko maila guztietan, promozio irizpideak…
Ikastetxeari bisita.

ELKARBIZITZA GALTZADAN

2018-02-28 por Administratzailea Utzi iruzkin bat

DBH 2. mailako ikasleak bizikletaren inguruko tailer bat egiten aritu dira. Bertan bi puntu landu zituzten bereziki; txirrindaz ibiltzearen abantailak eta kontuan hartu beharreko gomendioak. Ondoren patioan proba ezberdinak egin zituzten bizikletak hartuta.

Kurtsoan zehar, beste 4 orduz ariko dira lanean. Saio batez udaltzainen hitzaldia jasoko dute eta ekain aldean, 3 orduko irteera egingo dute Iruñean zehar bizikletarekin.

Kaskoa buruan eta ibili munduan!

Iñauteriak

2018-02-02 por Administratzailea Utzi iruzkin bat

Neguko festa, egitaraua

2017-12-13 por Administratzailea Utzi iruzkin bat

Neguko Festarako Koreografia

2017-12-11 por Administratzailea Utzi iruzkin bat

Aske maitte, aske bizi!!!

Abenduaren 22an Biurdanan Neguko festa ospatuko da.

Begira zer nolako koreografia prestatu duten gure ikasleek.

Ea, gustatzen zaizuen! Anima zaitezte ikastera, egun horretan denak elkarrekin dantzatuko dugu eta!

Aurrera!

Irudiaren gainean klik eginda koreografiaren bideoa ikusiko duzu

Eskola Kontseilurako hauteskundeak

2017-11-08 por Administratzailea Utzi iruzkin bat

AZKEN ORDUA:

Behin hautagaiak aurkezteko epea bukatuta, gurasoen sektorean bi hautagai aurkeztu direla. Hautagai kopurua bete behar den plaza kopuruaren berdina izanik, azaroaren 28rako aurreikusita zegoen HAUTESKUNDE JARDUNALDIA EZ DA EGINGO eta Hauteskunde Batzordeak GURUTZE GARRAUS REKONDO eta IZASKUN URIARTE ETXEBERRIA hautagaiak automatikoki aldarrikatuko ditu.

Beste aldetik, GURASO ELKARTEAK hautatutako ordezkaria FCO. JOSE ALMIRANTEARENA LARRAÑETA izango dela jakinarazten dizuegu.

506/2017 EBAZPENA, urriaren 26koa, Hezkuntzaren zuzendari nagusiak emana, Nafarroako Foru Komunitateko lurraldean dauden Bigarren Hezkuntzako institutuetako eta Derrigorrezko Bigarren Hezkuntzako institutuetako Eskola Kontseiluak hautatu, eratu eta haien zati bat berritzeko jarraibideak onesten dituena.

V.–Hautatu beharreko ordezkariak eta hautagaien zerrendak.

8. Sektore batean aurkeztutako hautagai kopurua berritu beharreko ordezkarien kopuruarekin alderatuz gero berbera edo txikiagoa bada, Hauteskunde Batzordeak besterik gabe aldarrikatuko ditu aurkeztu diren hautagaiak.

Heldu den egunetan Nafarroako ikastetxeetako Eskola Kontseiluak zati batean berritu behar dira.

BIURDANA BHIn dagokion Hauteskunde Batzordea izendatuta, honako erabaki hauek hartu ditu:

Gurasoen errolda eta araudia ikastetxeko iragarki-taulan paratzea azaroaren 9tik azaroaren 22ra arte (alegazioak aurkezteko azken eguna).
Hautagaiak aurkezteko epea irekitzea, azaroaren 9tik azaroaren 17ko eguerdiko 13:00ak.
Azaroaren 20an aurkeztutako hautagaien zerrenda ikastetxeko iragarki-taulan jartzea.
Hauteskunde-jardunaldia finkatzea heldu den azaroaren 28an 17:00etik 19:30era.

Hauteskunde Batzorde honek eskaera egin nahi dizue hauteskundean parte hartzeko, bai hautagai zein hautesle gisara, Eskola Kontseilua baita ikastetxeko erabaki-organo nagusia.

Zure burua gurasoen hautagai gisa aurkeztu nahi baduzu, HEMENdik zuzenean egin dezakezu.

Hauteskunde Batzordea:

Irakasleak: Haizea Aedo Goñi

Gurasoak: Mª Cristina Oderiz Azkona

Ikasleak: Itxaso Iribarren Saigos

Administrazio eta Zerbitzuetako langileak: Koldo Rekalde Peralta

Zuzendaria: Jabier Pérez García

Biurdanan dantzan

2017-10-24 por Administratzailea Utzi iruzkin bat

Ikasle, irakasle, zatozte denok dantza egitera!!

Neguko festa inguratzen ari zaigula eta, asteazken atsedenaldietan Biurdanako gimnasioan ikasle dantzariek dantzak erakusteko ahalegina eginen dute.

Erakutsiko dituzten dantzak neguko festan dantzatuko direnak izanen dira: zortzikoa, polka, lehenbiziko bolant dantza, muxikoak, eta abar.

Deialdia ikasle zein irakasleentzat izanen da, beraz, anima zaitezte eta ez ahaztu azaroaren 8, 15, 22 eta abenduaren 13 eta 20an atsedenaldian gimnasiora etortzeaz!

Irakasle izango diren ikasleak Akier Akerreta, Amaia Sorbet eta Emma Gomez dira.

Anima zaitezte!!!