Archives for 2017
Neguko Festarako Koreografia
Aske maitte, aske bizi!!!
Abenduaren 22an Biurdanan Neguko festa ospatuko da.
Begira zer nolako koreografia prestatu duten gure ikasleek.
Ea, gustatzen zaizuen! Anima zaitezte ikastera, egun horretan denak elkarrekin dantzatuko dugu eta!
Aurrera!
Eskola Kontseilurako hauteskundeak
AZKEN ORDUA:
Behin hautagaiak aurkezteko epea bukatuta, gurasoen sektorean bi hautagai aurkeztu direla. Hautagai kopurua bete behar den plaza kopuruaren berdina izanik, azaroaren 28rako aurreikusita zegoen HAUTESKUNDE JARDUNALDIA EZ DA EGINGO eta Hauteskunde Batzordeak GURUTZE GARRAUS REKONDO eta IZASKUN URIARTE ETXEBERRIA hautagaiak automatikoki aldarrikatuko ditu.
Beste aldetik, GURASO ELKARTEAK hautatutako ordezkaria FCO. JOSE ALMIRANTEARENA LARRAÑETA izango dela jakinarazten dizuegu.
506/2017 EBAZPENA, urriaren 26koa, Hezkuntzaren zuzendari nagusiak emana, Nafarroako Foru Komunitateko lurraldean dauden Bigarren Hezkuntzako institutuetako eta Derrigorrezko Bigarren Hezkuntzako institutuetako Eskola Kontseiluak hautatu, eratu eta haien zati bat berritzeko jarraibideak onesten dituena.
V.–Hautatu beharreko ordezkariak eta hautagaien zerrendak.
8. Sektore batean aurkeztutako hautagai kopurua berritu beharreko ordezkarien kopuruarekin alderatuz gero berbera edo txikiagoa bada, Hauteskunde Batzordeak besterik gabe aldarrikatuko ditu aurkeztu diren hautagaiak.
Heldu den egunetan Nafarroako ikastetxeetako Eskola Kontseiluak zati batean berritu behar dira.
BIURDANA BHIn dagokion Hauteskunde Batzordea izendatuta, honako erabaki hauek hartu ditu:
- Gurasoen errolda eta araudia ikastetxeko iragarki-taulan paratzea azaroaren 9tik azaroaren 22ra arte (alegazioak aurkezteko azken eguna).
- Hautagaiak aurkezteko epea irekitzea, azaroaren 9tik azaroaren 17ko eguerdiko 13:00ak.
- Azaroaren 20an aurkeztutako hautagaien zerrenda ikastetxeko iragarki-taulan jartzea.
- Hauteskunde-jardunaldia finkatzea heldu den azaroaren 28an 17:00etik 19:30era.
Hauteskunde Batzorde honek eskaera egin nahi dizue hauteskundean parte hartzeko, bai hautagai zein hautesle gisara, Eskola Kontseilua baita ikastetxeko erabaki-organo nagusia.
Zure burua gurasoen hautagai gisa aurkeztu nahi baduzu, HEMENdik zuzenean egin dezakezu.
Hauteskunde Batzordea:
Irakasleak: Haizea Aedo Goñi
Gurasoak: Mª Cristina Oderiz Azkona
Ikasleak: Itxaso Iribarren Saigos
Administrazio eta Zerbitzuetako langileak: Koldo Rekalde Peralta
Zuzendaria: Jabier Pérez García
Biurdanan dantzan
Ikasle, irakasle, zatozte denok dantza egitera!!
Neguko festa inguratzen ari zaigula eta, asteazken atsedenaldietan Biurdanako gimnasioan ikasle dantzariek dantzak erakusteko ahalegina eginen dute.
Erakutsiko dituzten dantzak neguko festan dantzatuko direnak izanen dira: zortzikoa, polka, lehenbiziko bolant dantza, muxikoak, eta abar.
Deialdia ikasle zein irakasleentzat izanen da, beraz, anima zaitezte eta ez ahaztu azaroaren 8, 15, 22 eta abenduaren 13 eta 20an atsedenaldian gimnasiora etortzeaz!
Irakasle izango diren ikasleak Akier Akerreta, Amaia Sorbet eta Emma Gomez dira.
Anima zaitezte!!!
Ezker pareta berritua
Aurtengo ikasturte hasierako berrikuntzetako bat. Paretak pintatu dira eta sare berria jarri da. Disfrutatu!!
Nafarroa Arrosa
SARAY, Bularreko Minbiziaren Nafarroako Elkartea da.
Biurdanako DBH 4. mailako ikasleek elkarte honek antolatutako Nafarroa Arrosa Sarayren Alde lehiaketan parte hartu dute.
Argazkirik hoberena bozkatzeko aukera SARAYren weborrian duzu, urriaren 19a arte. Anima zaitez!
Nafar Gobernuko beka-Batxilergoa
| Batxilergoko beken deialdia. Nafarroako Gobernuko beka.
Nafarroako Gobernuko 2017/2018 beketarako deialdi honetan parte hartzeko derrigorrezkoa da aurretik Hezkuntza eta Zientzia Ministerioari beka eskatu izana, horretarako behar diren baldintzak betetzen badira. Nafarroako Gobernuaren beka inprimakia on-line bidez lor daiteke soilik. Eskabidea egiteko lotura: https://appseducacion.navarra.es/Becas/faces/index2.xhtml. Deialdiaren informazio gehiago nahi izanez gero, informazioa 2017ko urriaren 13ko 198 zenbakidun NAOn dago. Beka eskaera entregatzeko epea 2017ko azaroaren 13an bukatuko da. |
Batxilergo bekak-MEC
Batxilergoko beken deialdia.
Maila ertain eta unibertsitarioetarako 2017/2018 ikasturteko beken deialdi orokorra ireki da.
Hezkuntza eta Zientzia Ministerioaren beka eskaera bide telematikoaz https://sede.educacion.gob.es/portada.html helbide elektronikoan formalizatu behar da “Trámites y servicios” atalean.
HZMren beka eskaera entregatzeko epea 2017ko urriaren 3an bukatuko da.
Guraso bilerak
Gure ikasleen gurasoen aurrean ikasturte berriaren aurkezpena egiteko asmoz, urriaren 3an eta 5ean bilerak egingo ditugu institutuko areto nagusian. Aurkezpenaren ondoren, guraso bakoitzak bere seme-alabari dagokion taldeko tutorearekin talde-bilera izango du ikasturteari buruzko argibide gehiago jasotzeko. Hemen dituzue bileren datak eta orduak:
DBH1: urriaren 3an (asteartea), 17:30tan
DBH2: urriaren 3an (asteartea), 18:00tan
DBH3: urriaren 5ean (osteguna), 16:30tan
DBH4: urriaren 5ean (osteguna), 17:00tan
BATX 1 eta 2: urriaren 5ean (osteguna), 17:30tan
Garraio laguntza
| Nafarroako Gobernuak 2017/2018 ikasturteko DBHko ikasleendako “Eskola-garraiorako norbanakako diru-laguntza” deialdia atera du.
Laguntza hau eskatzen ahal dute, eskola- garraiorako eskubidea duten ikasleak eta 2 kilometro edo gehiago ibili behar dutenean eskola-garraioaren geltokirik hurbilenera ailegatzeko.
Eskaerak egiteko inprimakiak bulegoan eskuragai daude. Aurkezteko epea urriaren 12an bukatuko da. |
