Lotura honetan Chromebook maileguari dagokion araudia duzue eskuragai
Ondokoari dagozkion artxiboak: abuztua 2021
2021-2022 ikasturte hasiera
IKASLE GUZTIEK MUSUKOA EKARRI BEHAR DUTE!
DBHko ikasleak:
Aurkezpena irailaren 8an, asteazkenean, eginen da eta bukatu ondoren ikasleak etxera itzuliko dira. Garraiatuek 11:30etan izango dute bueltatzeko autobusa.
Jardunaldia ikasle bakoitzaren gelan izango da hurrengo ordutegia jarraituz:
- DBH1 (BLOKE GORRIA): 8:30
- DBH2 (BLOKE GORRIA): 9:00
- DBH3 (BLOKE HORIA): 9:30
- DBH4 (BLOKE URDINA): 10:00
Egun horretan, tutoreek ikasturte berriari buruzko argibide guztiak emango dizkiete ikasleei: ordutegia, egutegia, irakasleak, liburuak eta beste material didaktikoak, ebaluazioak, instalakuntzak, bizikidetza araudia, e.a. Gainera, kontingentzia plana eta segurtasun neurriak ere azalduko dizkiete. Tutoreek azalpenak eman eta gero jardunaldia bukatuko da.
Egun horretatik aurrerako eskola jardunaldiak 8:15ean hasiko dira eta 14:15ean bukatuko dira.
Batxilergoko ikasleak:
Aurkezpena irailaren 8an, asteazkenean, eginen da eta bukatu ondoren ikasleak etxera itzuliko dira. Garraiatuek 11:30etan izango dute bueltatzeko autobusa.
Jardunaldia ikasle bakoitzaren gelan izango da hurrengo ordutegia jarraituz:
- BATX 1 (Biurdana, BLOKE URDINA): 10:30
- BATX 2 (Donibane, BLOKE ARROXA): 10:30
Egun horretan, tutoreek ikasturte berriari buruzko argibide guztiak emango dizkiete ikasleei: ordutegia, egutegia, irakasleak, liburuak eta beste material didaktikoak, ebaluazioak, instalakuntzak, bizikidetza araudia, e.a. Gainera, kontingentzia plana eta segurtasun neurriak ere azalduko dizkiete. Tutoreek azalpenak eman eta gero jardunaldia bukatuko da.
Egun horretatik aurrera eskola jardunaldiak 8.15ean hasiko dira eta une zehatz honetan kontingentzia planaren 1. agertokian gaudenez, eskolak 15:00etan bukatuko dira.
Aldez aurretik bidali zaizuen kontingentzia planean ikus daiteke non dagoen gela bakoitza eta zein sarbide erabili behar duen ikasle bakoitzak bere blokearen arabera.
KASU! AURREKO KURTSOTIK KURTSO HONETARA BLOKE ALDAKETA EGON DA!
Sarbideak markatuta daude:
- BLOKE URDINA (DBH 4 + BATX 1): Aparkalekuko langatik sartu behar da.
- BLOKE GORRIA (DBH 1 + DBH2): Errepide aldetik patiora irikiko den langa berritik sartu behar da.
- BLOKE HORIA (DBH 3): Donibane aldeko langatik sartu behar da.
- BLOKE ARROXA (BATX 2): Donibane eraikineko betiko sarreratik, aurrez aurre gelditzen diren eskaileretatik igo behar da (eskuinekoak).
Iruñeko Udaleko Gazteendako XXXI. Literatura-lehiaketan Biurdanako ikasle saridunak
Biurdanako ikasle askok irabazi dituzte aurten Iruñeko Udaleko Gazteendako XXXI. Literatura-lehiaketako sariak. 2.Batxilergoko Ainhoa Salinas Díazek “Flashen Higaduragatik libre izan nahi zuen margolana” ipuinarengatik 17 urtetik 18 urterako kategorian lehenengo saria lortu egin du. Kategoria eta modalitate berdinean, narratiban, Oihane Garcia Ripodasek hirugarren saria lortu egin du “Hil aurretik amesten dudana” lanarengatik eta gaztelaniaz ere hirugarrena lortu egin du “Solve et coagula” ipuinarekin. Kategoria berdinean, narratiban, euskaraz, Lucia Rodriguez Domeñok lehen accesita lortu egin du. Olerkigintzan, euskaraz, Lorea Guembe Ochotorenak lehenengo saria lortu du “Hotza” olerkiarekin 14 urtetik 16 urterako kategorian. Kategoria berdinean, olerkian, baina gaztelaniaz, Leixuri Etxaide Arbizuk hirugarren saria eskuratu du “Crezco” olerkiarengatik. Zorionak zuen sormena eta lanarengatik eta idazten jarraitu!
