Biurdana BHI bigarren hezkuntzako ikastetxe publikoa da. Bertan, Derrigorrezko Bigarren Hezkuntza (DBH) eta Batxilergoko ikasketak egin daitezke. Horretaz gain, ikastetxean bada CBU gela bat (Curriculum Bereziko Unitatea / UCE), hezkuntza behar bereziak dituzten ikasleak hartzen dituena. Biurdana D ereduko ikastetxea da, hau da, irakaskuntzan erabiltzen den hizkuntza euskara da.
Derrigorrezko Bigarren Hezkuntza (DBH)
Batxilergoa
- Giza eta Gizarte zientzien modalitatea
- Giza zientziak
- Gizarte zientziak
- Zientzien modalitatea
- Osasun zientziak
- Zientziak eta Ingeniaritza eta Teknologia
Curriculum Bereziko Unitatea (CBU / UCE)
– Curriculum Bereziko Unitatea ezgaitasun psikikoari loturiko hezkuntza premia bereziak dituzten ikasleei zuzendutako integrazio erregimena da.
a) Eskola ordu gehienetan, ikasleei laguntza intentsiboa eskaintzea berariazko unitate batean. Horretarako, Pedagogia Terapeutikoko irakasleen laguntza zuzena izanen dute. Hauen zeregina izanen da ikasleen programa diseinatzea, garatzea eta haien tutoretza egitea.
b) Ikastetxeko jarduera orokorretan ikasleen parte hartzea sustatzea.
c) Ikasle hauek irakasgai batzuetan erreferentzia talde batean integratzea, haien programa berezia garatuko duen curriculum egokitzapena eginda.
– Irakasgaia aukeratzean, kontuan hartzen diren irizpideak ondoko hauek dira: metodologia aktiboa eta parte hartzailea izatea, ezagutza funtzionalak lantzea, abstrakzio maila gutxi eta alde praktiko handia izatea eta arrakasta lortzeko aukera ematea. Integrazio taldeko ikasleen ezaugarriak ere kontuan hartzen dira.
– Berariazko curriculum horren bidez, oinarrizko prestakuntzaren jarraipena ziurtatu nahi da eta lehentasuna ematen zaio ikasleek gizartean eta lan munduan integratzeko behar diren ezagutzak eta gaitasunak lortzeari.
– Orientazio departamentuak egiten duen curriculum proposamena hau da:
Helburu orokorra
Bizitzaren arlo guztietan, ahalik eta garapen eta autonomia pertsonal handiena lortzea.
Helburu nagusiak
1. Itxura eta gorpuzkera zaintzea.
2. Beharrezko materiala ikastetxera eramatea.
3. Nork bere materiala zaintzea.
4. Materiala biltzea eta, behar izanez gero, garbiketa egiten laguntzea.
5. Irakasleari eta ikaskideei laguntza eskatzea.
6. Arauak errespetatzea.
7. Lagunen arteko harreman egokiak lortzea.
8. Iritziak, asmoak, nahiak komunikatzea talde txikian zein ikaskide guztien aurrean.
9. Talde jardueretan parte hartzea.
– Curriculum proposamenak ondoko erreferenteak ditu:
a) Lehen Hezkuntzako curriculumeko helburu eta edukiak, bai eta DBHko helburu orokorrak ere, ikasleen gaitasun, interes eta motibazioetara ongi egokituak.
b) Curriculum proposamenaren ikuspegia orokorra eta funtzionala izanen da; proposamen hori ezagutza arlotan egituratuko da, ikas-prozesua ahalik eta adierazgarriena izan dadin.
c) Hezkuntza Bereziko ikastetxeetarako erreferentziako curriculuma (1996ko apirilaren 25eko ebazpena).
– Metodología:
Ikaskuntza funtzionala, globala eta esanguratsua izanen da. Metodologia tailer, proiektu eta interes zentroetan oinarrituko da.
– Esparruak:
a. Sozio-naturala: autonomia pertsonala, sozializazioa eta inguruko gertaeren ezagutza lortzea du helburu.
b. Komunikatiboa: honen helburua mezu ezberdinak ulertzeko eta ekoizteko gaitasun komunikatiboa garatzea da (ahoz, idatziz, keinuak erabiliz …)
c. Logiko–matematikoa: ikasleak bere inguruko egoerak interpretatzeko gaitasuna garatzea du helburu.
d. Psikomotorea: Gorputz adierazpena, motrizitatea eta autoezagutza lantzen dira.
e. Artistiko–teknologikoa: gaitasun artistikoa eta teknologikoa garatzeko trebetasunak lortzea du helburu.
