Administratzailea

Argazkian klik egin eta lanak begiratu!

Paulino eta Julen badoaz. Faltan botako ditugu. Biurdana ezin hobe ezagutzen duen altxorra galtzen dugu. 22an Paulinori omenaldi txikia egiteko tartea izan genuen, guztiok elkarrekin Txoria txori abestuz. Gure Paulino beti laguntzeko prest, erne eta irribarretsu. Bai ikasleekin, bai beste lankideekin, bai irakasleekin egindako lan bikaina biziki eskertzen diogu. Mila esker gure etxea horren ongi zaintzeagatik! Gure etxearen zaintza lan hauetan Julenen lana ere asko eskertzen dugu, beti guk dena ongi aurkitzeko jo eta ke ibili baita! Edonorentzako oparia da horrelako pertsona eta langileak hurbil izatea!

Ibai Garaikoetxeak saldutako 0562 zenbakiak irabazi du saskia.

Izargi Bernardok saldutako 1123 zenbakiak 2. saria eta Ander Larrionek saldutakoak 1400 zenbakiak 3.a.

Kafe (edo kolakao) baten inguruan euskaraz hitz egiteko aukera eman digute gure Ikamako ikasleek. Mila esker emandako aukera atsegin eta eraginkorrarengatik! Hemen, argazkian, gure antolatzaile apartak.

Asmakizun tailerreko ikasleak Cocuus 3Dko inprimaketa enpresara joateko aukera izan zuten ostiralean.

Bellis perennis kutsadura neurtzeko bioindikadore bezala erabiltzea proposatu dute gure ikasle ohiak diren Jare Perezek, Nahia Garayoak, Ariane Garcia de Eulatek eta Saioa Larrainzarrek Mariaje Lasarte Biologiako irakasleak bideratutako proiektuan, iraileko 8tik 10era ospatu den Mostra Nacional de Ciencian.

‘Mostra Nacional de Ciência’ azokak aurten 16. edizio du, eta Portugal osoko zein nazioarteko zientziako eta teknologiako proiektuak aurkezten dira. Oportoko esperientzia honi esker asko ikasi eta haien lana atzerrian ederki aurkeztu dute gure zientzilari gazteek. Aurretik Elhuyar Zientzia Azokan ere parte hartu zuten, Bilbon, irakasleak eta familiek lagunduta. Elhuyarrek albistea egin du ikasle eta irakaslearen lorpen eta bizipen huek ezagutzera emateko.

Hemen duzue hurrengo ikasturteko egutegia.