Gure ikasleen gurasoen aurrean ikasturte berriaren aurkezpena egiteko asmoz, urriaren 1ean eta 3an bilerak egingo ditugu institutuko areto nagusian. Aurkezpenaren ondoren, guraso bakoitzak bere seme-alabari dagokion taldeko tutorearekin talde-bilera izango du ikasturteari buruzko argibide gehiago jasotzeko. Hemen dituzue bileren datak eta orduak:
Berriak
GARRAIOA 2018-2019
Hemen dituzue garraioen bideak, orduak eta geltokiak.
Egin klik irudiaren gainean eta handiago ikusteko aukera izango duzu.
EOIDNA iraileko proben EGUTEGIA
Hemen duzue EOIDNA iraileko proben EGUTEGIA.
GRADUAZIO FESTA
Maiatzaren 25ean, ostirala, Batxilergo 2. mailako ikasleen graduazio ekitaldia ospatuko da institutuan.
ZORTE ON opa dizuegu!
Hemen duzue egitarua.
KONTZERTUA
Maiatzaren 3an Aste Kulturalean eskainitako ekintzen artean, Altsasu eta Biurdana BHIko ikasleek Anaitasunan Kontzertua gauzatu zuten.
Bertan, ikusle moduan, gonbidatu bereziak izan genituen, Patxi Larraintzarreko ikasleak hain zuzen. Arratsalde ederra pasa genuen.
Eskerrak hori posible egin zenuten guztiei.
Hurrengo kontzertua Biurdanako DBH1eko ikasleek eskeiniko digute Alaitzeko ikasleekin batera Barañainen.
Aupa zuek!!!
XIX. Irakurketa publikoa
Datorren maiatzaren 2a eta 4a bitartean Biurdanako ASTE KULTURALA ospatuko dugu.
Aste Kulturalaren ekintzen artean IRAKURKETA PUBLIKOAren XIX. edizioa dugu seinalatuenetarikoa.
Aurtengoan maiatzaren 4an, ostirala, ospatuko da. Omendutako artista JOXAN ARTZE dugu, euskal idazlea eta txalapartaria bera.
GURE TXAPELDUNAK
Apirilaren 7an, larunbatean, aniztasun funtzionala duten pertsonentzako Eskolarteko Torneoaren lehenengo edizioa jokatu zen. Bederatzi eskolek hartu zuten parte, guztira 7 talde osatuz. Eguraldi txarra zela eta Tajonarren ospatu behar zen torneoa Nafarroako Unibertsitateko polikiroldegian egin zen.
Lekaroz, Biurdana, Ribera del Arga, Altsasu, El Molino, San Francisco Javier, Santa Teresa, Santa Catalina eta Tierra Estella eskoletako neska mutilek lehenengo fasea jokatu zuten eta ondoren hiru final izan ziren.
Biurdanako ikasleek osatutako taldea bigarren lekuan sailkatu zen. Kopa ederra ekarri zuten!
ZORIONAK!
ELKARBIZITZA GALTZADAN
DBH 2. mailako ikasleak bizikletaren inguruko tailer bat egiten aritu dira. Bertan bi puntu landu zituzten bereziki; txirrindaz ibiltzearen abantailak eta kontuan hartu beharreko gomendioak. Ondoren patioan proba ezberdinak egin zituzten bizikletak hartuta.
Kurtsoan zehar, beste 4 orduz ariko dira lanean. Saio batez udaltzainen hitzaldia jasoko dute eta ekain aldean, 3 orduko irteera egingo dute Iruñean zehar bizikletarekin.
Kaskoa buruan eta ibili munduan!
Iñauteriak
Biurdanan dantzan
Ikasle, irakasle, zatozte denok dantza egitera!!
Neguko festa inguratzen ari zaigula eta, asteazken atsedenaldietan Biurdanako gimnasioan ikasle dantzariek dantzak erakusteko ahalegina eginen dute.
Erakutsiko dituzten dantzak neguko festan dantzatuko direnak izanen dira: zortzikoa, polka, lehenbiziko bolant dantza, muxikoak, eta abar.
Deialdia ikasle zein irakasleentzat izanen da, beraz, anima zaitezte eta ez ahaztu azaroaren 8, 15, 22 eta abenduaren 13 eta 20an atsedenaldian gimnasiora etortzeaz!
Irakasle izango diren ikasleak Akier Akerreta, Amaia Sorbet eta Emma Gomez dira.
Anima zaitezte!!!
